E Petre chì cantanu: Chjama è rispondi di dicembre di u 2013, Pigna, 2nda parte.
Vendredi, 26 Juin 2015 21:44

{youtube}Gec4ferZDf8{/youtube}

Bastianu Campana si lagna perchè hà chjamatu parechje volte à Tittò à u postu in l'emissione « dite a vostra » è ùn hà mai rispostu, tandu hè avà chì Tittò si disceta è dice « a ti feraghu in direttu ».

E strufate di Bastianu Campana ùn sò finite, certe volte manca un filare è si lagna, si scusa per a so improsa. Petru Santucci ùn hè d'accunsentu : « ma tù la sai fà chì c'ai la passione, cù issu versu di Canale, nati in devuzione è tutti li ghjorni aspettemu o Bastià le to canzone ». « Quandu lu sentu cantà ne aghju u core chì trema ». « A ti diceraghju eiu duie parolle sole, sta sera Campana in Pigna, ci vole che tù ti cunsole, chì e canzone di Francescu sò guasì cume e toie. »

I mumenti di macagna s'aghjustanu, i pueti si stuzzicanu annant'à u so livellu in puesia « rime cume e toie ùn ne aghju mai fattu. », « ùn ti rendi micca conti quante tù mi faci ride, avà à mi dice che m'hà amparatu à scrive, ma in canzone ùn c'hè sicretu Carlinu t'amparà à leghje. » E macagne nant'à a capacità d'impuvisazione ùn mancanu è a Carlinu li piace di taruccà senza piantà.

U chjama è rispondi hè sopr'à tuttu una lea trà e generazioni, di leva in purleva, permette di scambià è di felicità a ghjuventù, hè ciò chì face Pierre Santucci dicendu à Tittò « ne ai chjappu a sumente. »

U sughjettu sculiscia nant'à l'assenza di Roccu Mambrini, u rusignolu di Ziglia, troppu stancu per vene « postu chì simu Natale, ùn aghju avutu u mio rigalu » ci dice Pierre Santucci parlendu di l'assenza di Roccu. « si mettia à impruvisà cù a so voce a più schietta, è dulcezza ne lampava à tutti senza misura. »

Issu sicondu filmettu si compia faccendu lode à i nostri pueti anziani : « Ghjuvan'Petru hè un puetu o di lu più altu valore, quì per nimu ùn hè sicretu, ch'hè un prisidente più cà d'onore, ma mi mancanu li passione, o pissendu anc'à Savignoni. »

« U pueta di a Riventosa hà e più belli riturnelli chì sanu piace à a sposa, à i vechji è i zitelli, ma ùn hè micca u più grande, upiù grande hè Calzarelli. » « L'emu salutati tutti issi grandi pueti di vaglia, è pudemu esse sicuri, chì a rima custì ùn sbagliu, è sapimu chì u talentu si misura à a taglia. »

 

Commentaire réalisé par Geronimi Josepha.

 

alt  alt  alt  alt  alt